قال الفنان حمدى الميرغنى ان هناك مشروع فيلم تماسيح النيل ويضم نجوم الكوميديا ثروت وخاطر وهناك ايضا "زومبي "مع علي ربيع، وهناك مشروع صرصرة فوق النيل ولكنه توقف بسبب كورونا واتمني ان نبدا تصويره.
و اضاف ميرغنى خلال لقاءه مع الإعلامى دكتور عمرو الليثى ببرنامجه واحد من الناس على شاشة الحياة ،انه اثناء احد مشاهد مسلسل "فلانتينو "اخدت قلم من الزعيم لم يكن مكتوب في المشهد، و قعدنا كلنا نضحك بعدها.
وعن اشرف عبد الباقي قال الميرغني ده استاذنا وشاهد علي عقد زواجي، واوس اوس مربي قطة ، وبيخاف منها ، و محمد عبد الرحمن بيحفظ الدول والاماكن من خلال المطاعم ، ومحمد انور مركز في الغناء ومصمم يكون عمرو دياب ،وويزو تعشق تضربنا خلال المشاهد وبخاصة انا واوس اوس وابرام ،ومصطفي خاطر انا اشتغلت معاه صبي نقاش قبل الشهرة ، وكريم عفيفي كان معاه زمان عربية ١٢٨ وورق العربية كان في السيارة وانور رماها في الشارع و رجعو تانى يدورو عليها .
